ឯកឧត្តម ខូយ រីដា អភិបាលខេត្តពោធិ៍សាត់ បានថ្លែងប្រាប់ឱ្យដឹងថា នៅវេលារសៀលថ្ងៃទី២៤ ខែសីហា ឆ្នាំ២០២៦នេះ សមត្ថកិច្ចកំពុងសួរនាំស្ដ្រីម្ចាស់ហ្វេសប៊ុក”អាយ៉ា ទឹកត្នោតជូរ”ជុំវិញករណីជេរប្រមាថប្រជាជនខេត្តពោធិ៍សាត់ ។
ក្មួយស្រី ភី យ៉ាងរី អាយុ ២៥ ឆ្នាំ ម្ចាស់គណនីហ្វេសប៊ុក អាយ៉ា ទឹកត្នោតជូរ រស់នៅ ភូមិ ប្រជាធម្មខាងកេីត សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ត្រូវបានសមត្ថកិច្ចនគរបាលខេត្តពោធិ៍សាត់ឃាត់ខ្លួនរៀបចំសំណុំរឿងបញ្ជូនទៅតុលាការចាត់ការតាមច្បាប់ ពាក់ព័ន្ធបទល្មើសជេរប្រមាថប្រជាពលរដ្ឋខេត្តពោធិ៍សាត់ធ្ងន់ធ្ងរ ។
ប្រទេសមានច្បាប់ គ្រួសារមានវិន័យ បុគ្គលណាប្រព្រឹត្តខុសត្រូវទទួលទណ្ឌកម្មតាមផ្លូវច្បាប់ ។
រដ្ឋបាលស្រុកភ្នំក្រវ៉ាញ បានឲ្យដឹងថា ការប្រើប្រាស់ពាក្យសម្តីអសីលធម៌មិនសមរម្យដែលខ្វះការពិចារណា និងហេតុផលមិនគ្រប់ជ្រុងជ្រោយបែបនេះគឺជាប្រមាថយ៉ាងធ្ងន់ធ្ងរ និងធ្វើឱ្យប៉ះពាល់កិត្តិយសប្រជាពលរដ្ឋក្នុងខេត្តពោធិ៍សាត់ទាំងមូល។ ក្នុងនាមរដ្ឋបាលស្រុក និងប្រជាពលរដ្ឋទូទាំងស្រុកភ្នំក្រវាញ មិនអាចទទួលយកបានដាច់ខាត និងសូមសំណូមពរដល់អាជ្ញាធរ និងសមត្ថកិច្ចពាក់ព័ន្ធ មេត្តាចាត់វិធានការចំពោះបុគ្គលនេះតាមនីតិវិធីច្បាប់។រក្សាសិទ្ធដោយ៖សុទ្ធលី
