ភ្នំពេញ ៖ តារាស្រគត់ស្រគុំ សំឡេងពិរោះ សុគន្ធ និសា តាំងពីជា ជំងឺកូវីដ១៩ ជាច្រើនខែមកឃើញថា អ្នកនាង ស្រស់ថ្លា និងមាន សាច់ឈាមល្អលើសមុន។ អ្នកនាងស្អាតប្លែកខ្លាំងណាស់ ក្រោយពេល ដែលអ្វីបានប្រសើរឡើងទាំងស្នេហានៅតែល្អ និងផ្នែកមុខរបរអាជីព ខាងក្រៅសិល្បៈក៏កាន់តែស្ទុះឡើង។
សម្រស់សុគន្ធ និសា ដែលបានផុសរូបលើបណ្តាញ សង្គមរបស់នាង ឃើញថា ស្រស់ស្អាត ស្រស់សោភា គួរអោយចង់គយគន់។ នាងមិនត្រឹមតែមានសំឡេងល្អនោះទេ ឯសម្រស់វិញស្អាតខ្លាំងលើសមុនៗទៀត។ ម្ល៉ោះហើយក្រមុំៗកុំចង់ហអោយសោះ នាងពូកែមានរូបមន្តទាក់ទាញ ខាងក្បួនថែសម្រស់ណាស់។ ប៉ុន្ដែអ្វីដែលនិសា ត្រូវបានមិត្តភក្ដិកោតសរសើរនោះគឺស្វាមីរបស់បានបើកសិទ្ធិឲ្យនាងលេងសិល្បៈវិញយ៉ាងពេញទំហ៊ឹងតែម្ដងដែលខុសពីការសន្និដ្ឋានរបស់ពួកម៉ាកនាងថានិសា អាចនឹងត្រូវបញ្ចប់អាជីពក្រោយរៀបការព្រោះប្ដីមិនចង់ឲ្យមានការថតសម្ដែងដោយមានតារាប្រុសណាប៉ះពាល់ដល់នាង។ តែផ្ទុយទៅវិញលោកសម្បត្តិ មិនតត្រឹមតែគាំទ្រប្រពន្ធឲ្យបន្ដអាជីពចាស់នោះទេ តែលោកថែមទាំងមិនចេះដើរតាមនិសា ពេលនាងច្រៀងសម្ដែង នៅតាមឆាកដូចគូស្នេហ៍តារាដ៍ទៃទៀតនោះទេ ។ ចំពោះរឿងនេះនិសា ធ្លាប់ប្រាប់អ្នកយកព័ត៌មានយើងថាដោយសារតែនាងនិងស្វាមីមានទំនុកចិត្តរកគ្នា និងម្យាងទៀតមានភាពរវល់រៀងៗខ្លួន ទើបពេលនាងច្រៀងសម្ដែងប្ដីមិនចាំបាច់ទៅតាមនោះឡើយ។
សុគន្ធ និសា បានចេញច្រៀងសម្ដែងវិញតាំងពីថ្ងៃទី១ខែកក្កដា ក្រោយពីនាងបានផ្អាកកាន់ក្បាលមីក្រូជាង៣ខែដោយសាតែតេស្ដវិជ្ជមានកូវីដកាលពីថ្ងៃទី១០ខែមីនាឆ្នាំ២០២១។ តាមរយៈការបង្ហាញខ្លួនលើឆាកតន្រ្ដីនៅពេលចុងក្រោយនេះគេឃើញនិសា មានទឹកមុខស្រស់ថ្លាស្ទើរតែដូចដើមឡើងវិញហើយ ទើបត្រូវបានក្រុមហ៊ុនធំទាំង២ខាងលើ ជ្រើសនាងធ្វើជាBA។ ប៉ុន្ដែសុគន្ធ និសា ក៏ដូចជាតារាល្បីៗមួយចំនួនទៀតដែរ មិនទាន់មានបទចម្រៀងផ្ទុះនោះទេព្រោះបទចម្រៀង ដែលធ្វើរួចអត់ហ៊ានបញ្ចេញលើទីផ្សារព្រោះខ្លាចខុសពេលវេលា ដោយសារតែកូវីដ ហើយទស្សនិកជនមើលឃើញថាបច្ចុប្បន្នអ្នកចម្រៀងស្រីនៅហង្សមាស ដែលមានសន្ទុះឡើងគឺមានតែនាងរ៉េត ស៊ូហ្សាណា ម្នាក់ប៉ុណ្ណោះ៕ រក្សាសិទ្ធិដោយ ៖ សំណាងSV
