ភ្នំពេញ៖ ព្រះមហាក្សត្រ នៃ ព្រះរាជាណាចក្រកម្ពុជា ព្រះករុណា សម្តេចនរោត្តម សីហមុនី នៅពេលថ្មីៗនេះ បាន
ចេញព្រះរាជក្រឹត្យបញ្ចប់មុខតំណែង របស់លោក ថូ សំណាង ជាទីប្រឹក្សា នៃក្រសួងការបរទេស និងសហប្រតិបត្តិការអន្តរជាតិ តាមសំណើរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
ការបញ្ចប់តួនាទីនេះ ត្រូវបានធ្វើឡើង បន្ទាប់ពី លោក ថូ សំណាង ត្រូវបានអង្គភាពប្រឆាំងអំពើពុករលួយ ចាប់ឃាត់ខ្លួន ពាក់ព័ន្ធនឹងអំពើពុករលួយ ដ៏ល្បីល្បាញមួយ ហើយក្រោយមក លោកក៏ត្រូវបាន តុលាការចោទប្រកាន់ និង បញ្ជូនទៅដាក់គុកនៅ ក្នុងពន្ធនាគារ ជាបណ្តោះអាសន្ន ដើម្បីរង់ចាំ ការធ្វើសវនាការ តាមនីតិវិធីច្បាប់៕រក្សាសិទ្ធិគ្រប់យ៉ាងដោយ CEN
