ខេត្តកំពត: ចៅក្រមស៊ើបសួរ នៃ តុលាការខេត្តកំពត នៅថ្ងៃទី ៦ ខែ កញ្ញានេះ បានចេញដីកាបង្គាប់ឱ្យឃុំខ្លួន ជន៣សង្ស័យ ប្រុស-ស្រី ខ្មែរឥស្លាម២នាក់ ដែលត្រូវជាប្តីប្រពន្ធនឹងគ្នា ជាប់ពាក់ព័ន្ធនឹងការរក្សាទុក និង ជួញដូរគ្រឿងញៀន ប្រព្រឹត្ត នៅក្នុង ភូមិកំពង់កណ្តាល ឃុំជុំគ្រៀល ស្រុកទឹកឈូ ខេត្តកំពត កាលពីថ្ងៃទី ៣ ខែ កញ្ញា ឆ្នាំ ២០២៦។
យោងតាមដីកាឃុំខ្លួនរបស់ជនត្រូវចោទ, ជនត្រូវចោទទាំង២ នាក់ មានឈ្មោះ: ១- ឈ្មោះ កែវ ណូត ភេទប្រុស អាយុ៣៨ឆ្នាំ ជនជាតិខ្មែរឥស្លាម សញ្ជាតិខ្មែរ មុខរបរមិនពិតប្រាកដ រស់នៅភូមិកំពង់កណ្តាល ឃុំជុំគ្រៀល ស្រុកទឹកឈូ ខេត្ដកំពត ។
២-ឈ្មោះ ម៉ាន់ សារីហ្វាស ភេទស្រី អាយុ៣៣ឆ្នាំ ជនជាតិខ្មែរឥស្លាម សញ្ជាតិខ្មែរមុខរបរកសិករ រស់នៅភូមិកំពង់កណ្តាល ឃុំជុំគ្រៀល ស្រុកទឹកឈូ ខេត្តកំពត។
អ្នកទាំង២ គឺជាប្តីប្រពន្ធនឹងគ្នា។
ពួកគេទាំង២ ត្រូវបានតំណាងអយ្យការចោទប្រកាន់ពីបទ: រក្សាទុក និង ជួញដូរ ដោយខុសច្បាប់ នូវ សារធាតុញៀន និង ត្រូវបានចាប់ឃាត់ខ្លួន កាលពីថ្ងៃទី៣ ខែ កញ្ញា។
ក្រោយការឃាត់ខ្លួន, សមត្ថកិច្ចកងរាជអាវុធខេត្តកំពត បានរឹបអូស វត្ថុតាង រួមមាន៖
–គ្រឿងញៀន ចំនួន១៤កញ្ចប់ (១២កញ្ចប់តូចនិង២កញ្ចប់ធំ)ទម្ងន់២១៤,១២ក្រាមថ្លឹងទាំងសំបកថង់។
–ទូរស័ព្ទដៃចំនួន០៣គ្រឿង។
–ជញ្ជីងថ្លឹងគ្រឿងញៀនចំនួន ០៣។
–ថង់ច្រកគ្រឿងញៀនមួយចំនួន។
–ឧបករណ៍ជក់គ្រឿងញៀន ០៣សម្រាប់៕រក្សាសិទ្ធិគ្រប់យ៉ាងដោយ CEN
