ប្រធានរដ្ឋបាលដែលបានប្រើពាក្យសម្ដីមិនសមរម្យបានដាក់ពាក្យលាលែង ហើយកម្មករ-កម្មការិនីនឹងចូលធ្វើការវិញនៅថ្ងៃទី៩ ខែកញ្ញា ឆ្នាំ២០២៦។
ភ្លាមៗក្រោយទទួលបានព័ត៌មាន ក្រុមការងារក្រសួងបានចុះដល់រោងចក្រលានហ្វា និងប៉ូលស្តា ស្ថិតតាមបណ្តោយផ្លូវជាតិលេខ៥ ក្នុងឃុំស្នាមព្រះ ស្រុកបាកាន ខេត្តពោធិ៍សាត់ នាព្រឹកថ្ងៃទី៨ ខែកញ្ញា ឆ្នាំ២០២៦ ដើម្បីសម្របសម្រួលដោះស្រាយកង្វល់របស់កម្មករ-កម្មការិនីតាមនីតិវិធីច្បាប់។
បច្ចុប្បន្ន ផ្លូវជាតិលេខ៥បានបើកចរាចរណ៍ឡើងវិញ ខណៈក្រសួងកំពុងជំរុញការចរចារវាងភាគីទាំងសងខាង ដើម្បីឈានទៅរកដំណោះស្រាយប្រកបដោយយុត្តិធម៌ និងឆាប់រហ័ស។
ការិយាល័យអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នឹងបន្តផ្តល់ព័ត៌មានជូនបងប្អូនអ្នកសារព័ត៌មាន និងសាធារណជនជាបន្តបន្ទាប់៕រក្សាសិទ្ធិដោយ ៖សុទ្ធលី
